Summary

BNCTL oferese impréstimu ka kréditu ida ne’e hodi bele finansia empreza hirak ne’ebé hetan kontratu projetu husi Governu Timor-Leste, ONG (Internasional no Lokal), no instituisaun hirak seluk hodi bele apoia atividade operasional ka implementasaun projetu infraestrutura hirak hanesan konstrusaun, inklui manutensaun (estrada, ponte, uma), kustu traballador nian, gastu hirak seluk hanesna ba eletrisidade, fornesimentu ekipamentu serbisu nian, transportasaun, teknolojia, enerjia no kontratu governu nian seluk.

  Montante kréditu

Másimu 50% husi kustu projetu bazeia ba kontratu.

  Termu ba kréditu

Máximu fulan 12 (depende ba durasaun projetu)

  Osan Funan

Máximu 12% kada tinan.

  Planu Pagamentu

Oráriu pagamentu projetu.

Benefisiu

BNCTL oferese kréditu ida ne’e hodi bele apoia empreza sira liu-liu sidadaun Timor oan sira, atu bele hasa’e sira nia kapital serbisu hodi bele implementa projetu governu nian ba dezenvolvimentu ekonomia nasional, nasaun ida ne’e nian.

Kritéria Pesoal

  • Hatudu karater pesoal ne’ebé diak, onestu no responsavel.
  • Iha dokumentasaun katak negósiu ka kompañia ne’e ninia dezempeñu diak
  • Iha lisensa negósiu ne’ebé válidu husi Ministeriu Komersiu no Industria ka SERVE.
  • Iha ona esperiensia ho projetu governu nian.
  • Finansiamentu ba asionista individual ba kompañia, grupu ka joint venture.

Termu no Kondisaun

  • Montante kréditu máximu 50% husi kustu projetu bazeia ba kontratu.
  • Taixa Juru 12% kada tinan.
  • Máximu maturidade kr’editu fulan 12.
  • Garantia atual ne’ebé sufisienti
  • Reimbolsa tuir progresu projetu.
  • Penalidade 12% kada tinan.
  • Kustu administrativu hirak seluk wainhira aplikavel.

Dokumentu hirak ne’ebé presiza

  • Hatama proposta empréstimu ba BNCTL.
  • Foto koloridu ida ho medida Pasaporte.
  • Kopia kartaun eleitoral 1 husi aplikante
  • Kopia kartaun eleitoral 1 husi aplikante nia kaben ka parseiru negósiu.
  • Perfil kompañia
  • Kontratu atual ho asinatura husi projetu na’in.
  • Relatóriu progresu (aplikavel ba projetu ne’ebé la’o hela) no oráriu projetu.
  • Deklarasaun finanseira ba tinan 3 liu ba, se aplikavel.
  • Garantia atual ho evidensia na’in ba garantia ka propriedade ne’e.

Brosura Finansiamentu ba Projetu

Atu hetan informasaun klaru kona ba brosura Finansiamentu Projetu bele Klik iha ne'e