Dili, 16 Maiu 2025 – Banco Nacional de Comércio de Timor-Leste (BNCTL), liuhusi Divizaun Planu Negósiu no Komersializasaun no reprezenta hosi ekipa Marketing, hala’o sesaun divulgasaun hodi promove produtu no servisu BNCTL nian ba funsionáriu SERVE, I.P. Sesaun ne’e hetan partisipasaun hosi funsionáriu 200 resin ho objetivu atu hasa’e konxiénsia no komprensaun kona-ba servisu finanseira BNCTL nian.

 

Iha atividade ne’e, ekipa Marketing aprezenta produtu banku nian hanesan kréditu no depózitu, servisu dijitál sira hanesan internet/mobile banking, SMS Alert, tipu konta, no seluk tan.

 

Iha tempu hanesan, ekipa BNCTL halo kedas atendimentu hanesan loke konta, rejistu servisu dijitál sira no halo esklaresimentu ba preokupasaun funsionariu sira nian relativamente ho servisu bankarius BNCTL nian.