BNCTL
Iha tinan 2023, BNCTL dezempeña papél vital ida iha paizajen finanseira nasaun nian no sai hanesan instituisaun xave ida ba dezenvolvimentu ekonómiku no sosiál Timor-Leste nian. BNCTL sai hanesan pilár ida hodi promove inkluzaun finanseira, apoia empreendedorizmu no hametin infraestrutura finanseira nasaun nian.
Mikrofinansa ba Banku Komersiál
Hafoin hala’o operasaun durante tinan 11 nu’udar IMFTL, konsidera nesesáriu atu lida ho realidade ekonómika emerjente no dinámika Timor-Leste nian ne’ebé lori ba estabelesimentu BNCTL ho Dekretu Lei 3/2011 hodi hala’o operasaun nu’udar banku komersiál. BNCTL hahú ho kapitál selu ona millaun $4.2 resin no Estadu/Governu Timor-Leste nu’udar nia asionista úniku.
Papél ida iha Timor-Leste
Ho misaun ida ne’ebé sentra iha serbí komunidade timoroan, BNCTL hakarak atu fasilita asesu ba servisu bankáriu esensiál sira, promove estabilidade finanseira no kontribui ba kreximentu ekonómiku sustentável Timor-Leste nian. Iha tinan hirak nia laran, Banku hala'o ona papél ativu ida hodi fornese finansiamentu ba projetu infraestrutura estratéjiku sira, setór agríkola, empreza ki'ik no médiu sira, no mós inisiativa sosiál no komunitária sira, to'o to'o área sira ne'ebé dook liu iha teritóriu timoroan nian. Iha ami-nia viajen tomak, banku hetan orientasaun hosi prinsípiu sira tuirmai: Habelar servisu bankáriu no finanseiru sira, enkoraja dezenvolvimentu atividade ekonómika sira no hamenus kiak iha Timor-Leste.
Estrutura Governasaun Foun
Lei Komersiál - Governasaun Korporativa
Estabelesimentu BNCTL ho Dekretu Lei 3/2011 hodi funsiona hanesan banku komersiál.
Iha loron 1 fulan Dezembru tinan 2001, estabelese husi Orden Ezekutivu UNAMET ho objetivu atu funsiona hanesan Institutu Mikrofinansas Timor-Leste (IMFTL).
BNCTL, S.A. na’in tomak Estadu Timor-Leste nian no hamriik hanesan banku boot liu iha nasaun ne’e, gaba-an ho númeru sukursál no kliente ne’ebé aas liu. Oras ne’e daudaun, BNCTL hala’o rede ida ne’ebé kompostu husi ramu no sub-ramu hamutuk 24, ne’ebé emprega ema indivíduu liu 360.
Mandatu husi Estadu, BNCTL, S.A. hetan fiar atu fornese servisu finanseiru no bankáriu, ho objetivu atu haburas dezenvolvimentu ekonómiku no hamenus kiak iha Timor-Leste laran tomak. BNCTL nia vizaun aliña ho asionista sira-nia diretiva atu mosu nu’udar entidade primeiru iha banku komersiál iha Timor-Leste nia laran, hodi oferese rede bankária tradisionál no dijitál ne’ebé luan liu iha sorin-sorin ho produtu, servisu ne’ebé asesivel, no kompromisu ba exelénsia servisu nian.