Díli, 19 Setembru 2025 – Banco Nacional de Comércio de Timor-Leste (BNCTL), S.A sesta-feira ne’e partsipa no halo diseminasaun ba produtu no servisu banku nian iha Eventu Expozisaun Kareira Profisional no Edukasaun Tinan 2025 ne’ebé hala’o durante entre loron 19-20 Setembru.

 

Objetivu hosi expozisaun ne’e hodi halibur estudantes, sentru formasaun, empregadór, instituisaun governu no públiku hotu hodi asesu ba informasaun banku nian, formasaun ka treinamentu ruma hosi instituisaun ne’ebé partisipa.

 

Eventu ne’ebé hala’o iha Eskola Tékniku Vokasional Becora, iha Munisipiu Díli, ho nia grupu alvu estudante finalista hosi eskola sekundáriu, eskola tékniku vokasionál no komunidade hotu.