Iha ámbitu enseramentu BNCTL Cup 2025, Banco Nacional de Comércio de Timor-Leste (BNCTL) S.A ofisialmente entrega apoiu materiais hanesan xapeu, t-shirt, kamizola, mascot, mini-bus, LCD, billboard ba preparasaun jogus CPLP 2025 ba Ministériu Juventude Desportu, Arte no Kultura (MJDAK), iha kampu futsal Bebora, Díli.

Apoiu hirak ne’e rezulta hosi kooperasaun entre BNCTL ho MJDAK ne’ebé realiza iha loron 30 Maiu 2025 hosi Ministru Juventude Desportu, Arte no Kultura (MJDAK), Sr. Nelyo Issac no Prezidente Komisaun Ezekutiva BNCTL, Sr. Marcelo da Cruz Carvalho.