Banco Nacional de Comércio de Timor-Leste (BNCTL), S.A, Sesta-Feira ne’e, partisipa no disemina produtu Konta Ha’u Nia Futuru ba inan-aman, alin estudantes no kliente sira hotu iha Gleno, Ermera ne’ebé organiza hosi Banco Central de Timor-Leste (BCTL).

 

Atividade ho tema Edukasaun Finanseira no Sensibiliza Produtu Konta Ha’u Nia Futuru ne’e ho objetivu prinsipal atu fahe informasaun ba inan-aman no alin estudante sira konaba oinsa atu halo planu di’ak ba sira nia osan, poupa no proteje ka rai ba futuru oan sira nian.

 

Iha atividade ne’e, ekipa BNCTL fahe mos prémiu ba estudantes hosi ensinu báziku sira hosi kada eskola no halo kedas abertura konta Ha’u Nia Futuru iha tenda atendimentu.

 

Atividade ne’e marka mos prezensa hosi banku komersiais sira seluk hanesan BNU, BRI, BNF, MANDIRI, KAEBAUK, MORIS RASIK inklui parseirus TELEMOR-Mosan, T-OAN, Telkomsel no Sinarmas.