Banco Nacional de Comércio de Timor-Leste (BNCTL), S.A reprezenta hosi Divizaun Planu Negósiu no Komersializasaun (PNK), iha loron Tersa-feira, 12 Agostu, sente haksolok, agradese hodi disemina produtu banku nian iha Espozisaun Rabilau, Maubisse ho tema “Promove Foinsa’e iha Setór Produtivu. INVESTE AGORA!”.

Atividade ne’ebé organiza hosi Alumni Parlamentu Foinsa’e Timor-Leste (APFTL) ne’e ho objetivu atu fortifika kontaktu entre governu, instituisaun finanseiru ho produtór sira hodi halo ajustamentu ba polítika Estadu ba dezenvolvimentu setór produtivu sira, liu-liu oinsa joven produtór sira bele hetan apoiu ruma hosi Governu no instituisaun relevante sira seluk.

Atividade ne’e hetan partisipasaun hosi Sekretariu Estadu Kooperativas (SEKOOP), SEFOPE, Sekretariu Estadu Florestas, Delegasaun Embaixadór Uniaun Europeia no seluk tan.