Ho ksolok no orgullu boot, Banco Nacional de Comércio de Timor-Leste (BNCTL), S.A hamutuk ho Autoridade Aduaneira, Timor-Leste Single Window (TileSW) halo lansamentu E-Payment Alfándega liuhosi Internet/Mobile Banking BNCTL ba Costumer Clearence.

Obetivu hosi lansamentu ne’e atu fasilita kliente, tantu emprezas importadores, exportadores ka ajente governu solusaun ida ne’ebé fasil, lais no seguru liu. Liuhosi hosi Internet/Mobile Banking BNCTL, uzuarius sira bele hala’o pagamentu sasan iha kualker fatin no kualker momentu.

Iha deklarasaun, testamuña brocker Sr. Teófilo António Soares Maia, nu’udar liman ain ba importasaun sasan afirma, fasil liu halo pagamentu alfándega utiliza Internet/Mobile Banking BNCTL tanba hamenus tempu, la presiza desloka ona ba ministériu, banku ka ATM sira hodi halo pagamentu.

Serimónia ne’e hetan partisipasaun hosi Sua Exélensia Ministra Finansas, Sra. Santina José Rodrigues Cardoso, Governador Banco Central de Timor-Leste (BCTL), Sr. Helder Lopes, Komisariu Autoridade Aduaneira, Sr. Joanico da Gama, Prezidente Konsellu Administrasaun BNCTL, Sr. Januario da Gama, Prezidente Komisaun Ezekutiva BNCTL, Sr. Marcelo da Cruz Carvalho, Embaixadora Filipina mai Timor-Leste, ekipa alfándega, ekipa tékniku BNCTL.