Banco Nacional Comércio de Timor-Leste (BNCTL), S.A partispa atividade Fun Bike & Fun Walk iha ámbitu selebrasaun aniversáriu Banco Central de Timor-Leste (BCTL) ba dala 14°, ho objetivu atu halibur komunidade hotu inklui Banku komersiais hodi insentiva prátika atividade fízika, asesivel no divertida.

 

Atividade ne’ebé hala’o iha loron sábadu, 13 Setembru ne’e hanesan Fun Bike hahú hosi Rotunda Nicolau Lobatu no Fun Walk (la’o ain) hahú hosi Timor Plaza, Zumba iha Largo Lecidere, Dj for Fun ne’ebé hetan partisipasaun másimu hosi komunidade, grupu no banku komersiais hanesan BNCTL, ANZ, Bank MANDIRI, BNU, BRI, BNF, KAEBAUK, MORIS RASIK, FEDERAL INSURANCE, SINARMAS LIFE INSURANCE, SINARMAS, MOSAN, TPAY, Ti-Oan Fintech, Money Gram, Sahabat Timor, MTO no seluk tan.

 

Iha eventu ne’e, BCTL atribui prémius oioin ba partispante sira ne’ebé hetan númeru sorteiu iha eventu no oferese mos door prize ba labarik sira hanesan depózita osan ho total montante inisial $50.00 hosi instituisaun finanseira sira.