Díli, 12 Maiu 2025 – Banku Nasionál Komérsiu Timor-Leste (BNCTL), liu-hosi Divizaun Planu Negósiu no Komersializasaun (PNK) ne’ebé reprezenta hosi ekipa Marketing halo sosializasaun ba produtu no servisu BNCTL nian ba funsionárius Komisaun Funsaun Públika (KFP) ho totál ema kuaze lima nulu resin, iha sala reuniaun KFP.

Iha intervensaun, ekipa BNCTL agradese ba dirijente Komisaun Funsaun Públika nian ne’ebé fó ona biban mai BNCTL hodi disemina produtu no servisu banku nian ba funsionariu sira. Nia informa, objetivu hosi inisiativa ne’e atu lori servisu banku besik ba funsionariu sira, proporsiona atendimentu lais liu no la presiza desloka ba banku.

Iha atividade ne’e, ekipa Marketing aprezenta produtu banku nian hanesan kréditu no depózitu, servisu dijitál sira hanesan internet/mobile banking, SMS Alert, tipu konta, no seluk tan.

Iha biban ne’ebé hanesan, ekipa BNCTL halo kedas atendimentu hanesan loke konta, rejistu servisu dijitál sira no halo esklaresimentu ba preokupasaun funsionariu sira nian relativamente ho servisu bankarius BNCTL nian.