BNCTL orgullu hamutuk ho komunidade globál hosi organizasaun sira ne'ebé tane aas IFC nia Prinsípiu ba Aprendizajen — referénsia formasaun ne'ebé fó impaktu, inkluzivu, eskalavel, no sustentável.

Marku ida-ne’e reflete kompromisu ba aprendizajen kontínua, hasa’e kapasidade pesoál, no haburas kreximentu inkluzivu hodi hametin setór finanseiru iha Timor-Leste. Hodi aliña ho IFC nia Prinsípiu sira ba Aprendizajen, ami reafirma ami nia dedikasaun hodi dezeña no entrega programa formasaun sira ne'ebé maka prienxe padraun aas liu kona-ba kualidade no impaktu. Hamutuk, ita investe iha ema sira no iha futuru ida ne'ebé sustentável liu.

“Iha BNCTL, ami fiar katak aprendizajen mak fundasaun ba progresu. Sai Signatáriu ba Prinsípiu Aprendizajen IFC nian hametin ami-nia kredibilidade no hatudu ba ami-nia kliente sira katak ami iha kompromisu ba padraun internasionál kona-ba kualidade no impaktu.”

— Marcelo da Cruz Carvalho, Xefe Ezekutivu, BNCTL