Aileu, 14 Maiu 2025 – Banku Nasionál Komérsiu Timor-Leste (BNCTL), liu-hosi Divizaun Planu Negósiu no Komersializasaun (PNK) ne’ebé reprezenta hosi Marketing halo sosializasaun ba produtu no servisu BNCTL nian ba traballadór retornu hosi The Pacific Australia Labour Mobility (PALM) no família sira ho totál lima nulu resin ne’ebé antes ne’e ba servisu ona iha Australia.

 

Objetivu hosi atividade ne’e mak atu partilla informasaun kona-ba produtu no servisu banku nian hanesan ajente banku, servisu dijitál internet/mobile banking, kréditu no depózitu no seluk tan.

 

Iha sorin seluk, atividade ne’e mos atu fó hanoin ba traballadór sira katak bainhira ba servisu iha estranjeiru, bele rai ka depózita osan iha konta BNCTL, atu nune’e iha futuru fila mai Timor-Leste bele jere rasik sira-nia osan ho di’ak.

 

Atividade diseminasaun ne’e rezulta hosi kooperasaun entre Sekretariadu Estadu Formasaun Profisionál no Empregu (SEFOPE) Diresaun SEFOPE Aileu ho BNCTL ne’ebé selebra ona hodi apoia maluk traballadór timor oan sira ne’ebé servisu iha rai liur.