Díli, 25  Marsu 2026, Banco Nacional de Comércio de Timor-Leste (BNCTL), liuhosi Divizaun Planu, Negósiu no Komersializasaun (PNK) ne’ebé reprezenta hosi ekipa Komersializasaun realiza sosializasaun ba produtu no servisu BNCTL ba traballadór Timor oan sira ne’ebé atu ba servisu iha nasaun Autralia ho totál kuaze ema nain 58 iha salaun Garden Beach, Pantai Kelapa.

Atividade ne’e ho objetivu atu enkoraja traballadór sira hodi hasa’e sira-nia abilidade jestaun finanseira liuhosi utiliza produtu no servisu BNCTL nian, inklui depózitu, fasilidade kréditu, no solusaun banku dijitál hanesan Internet no Mobile Banking, SMS Alert, transferénsia doméstika no internasionál, no mós levantamentu osan liuhosi ATM no servisu ajente bankáriu.

Iha fatin hanesan, ekipa BNCTL mos halo kedas atendimentu ba traballadór sira ne’ebé hakarak loke konta bankária, emite ATM P24 & UnionPay, rejista internet & mobile banking.