Manatuto, 22 Fevereiru 2025 – Prezidente Komisaun Ezekutivu Banku Nasionál Komérsiu Timor-Leste (BNCTL), Sr. António Vítor, Sábadu ne’e, atende konvite hosi Sua Exélensia Ministru Administrasaun Estatal (MAE), Sr. Tomas do Rosário Cabral hodi vizita ba fatin “Agriculture High-Tech Zone Manatuto Hunan”.

Objetivu hosi atividade ne’e hodi hare rezultadu alkansadu hosi produsaun agrikultura ne’e rasik, tantu iha agropekuaria no iha hortikultura ho intensaun atu esplora mós oportunidade ba investimentu iha setór agrikultura nian ba dezenvolvimentu ekonomia iha rai-laran.

Atividade ne’e hetan partisipasaun hosi Sua Exélensia Ministru Planeamentu no Investimentu Estratéjiku (MPIE), Sr. Gastão Francisco de Sousa, Sua Exélensia Sekretariu Estadu Komunikasaun Sosiál, Sr. Expedito Dias Ximenes, Prezidente Autoridade Munisipiu Manatuto, Komandante Polísia Nasional Timor-Leste, inklui tékniku hosi BNCTL.