Kontaktu BNCTL nia sukursais sira, visita website www.bnctl.tl ka liga ba  BNCTL nia call center numeru“333”  atu hetan informasaun kompletu

 

 

 

                                               

 

Komunikadu Imprensa

BNCTL introduz skema protesaun kreditu

Kreditu nudar produtu bankaria nebe banku disponibiliza ka oferese ba nia klientes ka sosiadade atu responde ba necesidades oin-oin.Kreditu husi banku konsede ba individual ka entidade hafoin passa analize nebe klean haktuir matadalan banku nian no sukat kapasidade atu reimbolsa obrigasaun husi klientes ba banku. Maibe,kreditu involve risku katak klientes tamba razaun oin-oin, falla atu kumpri nia obrigasaun konforme kontratu no banku ariska nia-an labele simu nia direitu husi klientes (reimbolsa regular). Situasaun neé sei lori konsekuensia negosiu no legalidade ba klientes no banku nebe dala barak la konvinienti ba parte rua.

Nudar dalan ida atu mitiga risku sira neé, seguru ba kreditu konsideradu nudar opsaun ida hodi salva guarda direitu no dever sira husi banku no klientes.

Ho razaun iha leten, BNCTL servisu hamutuk ho Federal Insurance Timor-Leste (FIT) ho aprovasaun husi Banco Central de Timor-Leste (BCTL), iha Sexta-feira, 19 Junu 2020, ofisialmente introduz eskema protesaun ba kreditu. Ba faze premeiru, eskema nee sei kobre kreditu sira destinada ba necesidades konsumtivu hanesan kreditu multi-uzu, Aswain no Bukaé nebe BNCTL disponibiliza ba publiku. Eskema protesaun ba emprestimu neé neé sei proteje no asegura kontinuasaun reimbolsa/kumprimentu obrigasaun selu kreditu wainhira: (i) klientes mate; (ii) sofre inkapasidade/defisiensia temporaria no permanente tamba moras ka kauza husi asidentis; (iii) lakon servisu tamba razaun estrutural sira relasionadu ho re-organizasaun iha kompania (redundansia).

Ho introdusaun eskema neé, banku bele fo kreditu ho seguru, hamenus

Risku ba kreditu transpire ba kreditu mal-paradu no ho razaun sira neé, BNCTL sei hatun juru kreditu entre 1-2% husi juru publikadu, la izizi apresentasaun garantor ba kreditu ba aplikantes kreditu konsumtivu aplikavel ba funsionarius sira, publiku no privadu, wainhira aplikantes kreditu konkorda atu akizi seguru kreditu nebe banku oferese nudar opsaun.

BNCTL hafoin introdusaun seguru kreditu ba faze dala-uluk neé, sei halo evaluasaun iha tinan ida nia laran, no kompremetidu atu introduz protesaun kreditu ba kreditu ba negosiu no investimentu no nuneé hatun risku fo kreditu no ba kapital servisu no investimentu, faziadamente hatun juru kreditu no hamamar rekesitus, permiti prosesa proposta kreditu ho lalais, efisienti no effetivu atu LORI HAKMATEK IHA FUAN ba klientes no BNCTL hodi konsentra hanoin no enerjia halo negosiu no kontribui ba Timor-Leste ida prosperu liu.

 

 
BNCTL ho nia sede iha Dili, to’o 19 June 2020,  mobiliza depositu >$127 milloes, no konsede ona kreditu >$87 milloes (> $400 milloes husi 2002) ho nia ativa $180 milloes no atende >324 mil klientes. BNCTL iha faze transformasaun nia laran, nebe inklui mellora atendimentu atu presta servisu ba klientes ho dignu, digitaliza atendimentu, diversifika produtu bankaria, no mellora jestaun iha operasoes, risku no moderniza infra-estrutura banku nian. BNCTL  estabelese ona sukursais iha 13 municipius, 13 banka movel, 41 ATMs no 52 POS iha teritoriu tomak. Nune’e BNCTL faziadamente nakfilak nia an hanesan “banku modernu”, no ami hein sei hetan konfiansa boot liu no kontribui ba kresimentu ekonomia no dezenvolvimentu Timor-Leste. BNCTL konta nafatin apoiu husi prezadus klientes, Estadu Timor-Leste nudar uniku asionista no parseiru sira hanesan BCTL, ADB,  entidades estadu no setor informal no privadu sira.