Membru Komisaun Ezekutiva Banco Nacional de Comércio de Timor-Leste (BNCTL), S.A, Joaquim dos Reis Martins, partisipa eventu Dili International Trade Expo hodi aprezenta kona-ba pozisaun banku nian relativamente ho Financial and Economic Prospect in Timor-Leste ne’ebé foku liu ba Micro, Small and Medium Entreprises (MSME).

Objetivu hosi aprezentasaun ne’e foka ba komitmentu BNCTL nian hodi eleva dezenvolvimentu MSME iha Timor-Leste tanba sira mak sai nu’udar baze ba ekonomia nasional, ajuda kria empregu no PIB no fortalese ekonomia lokál. Relativamente ho ida ne’e, BNCTL nafatin esforsu no kria estratejia hodi kria produtu no servisu ne’ebé adapta ho dezenvolvimentu MSME, ajustamentu prosesu kréditu, halo parseria ho governu, inklui setor privadu sira, fó solusaun finanseiru ne’ebé fleksivel no ikus liu espande servisu finanseiru iha áreas remotas.

Iha fatin hanesan, BNCTL halo mos atendimentu abertura konta, rejista Internet/Mobile Banking, rejista kartaun foun Unionpay, atualiza baze dadus ba partisipantes iha atividade refere inklui ba sira ne’eb’e laiha tempu atu desloka ba banku.

Eventu ne’ebé realiza iha Centro de Convençes de Díli (CCD) ne’e hetan mos partispasaun hosi Vise no Membru Konsellu Administrasaun BNCTL, inklui tékniku sira.