Banco Nacional de Comércio de Timor-Leste (BNCTL), S.A, reprezenta hosi Membru Komisaun Ezekutiva, Sr. Joaquim dos Reis Martins asina akordu kooperasaun ho Asosiasaun Nasionál Produsaun Fini Komersial – Timor-Leste (ANAPROFIKO - TL), reprezenta hosi Prezidente Ezekutivu, Sr. Ilidio Mau-Terça Mendonça.

 

Akordu ne’e objetivu atu estabelese baze no estrutura kooperasaun ne’ebé permite hodi apoia asesu finansiamentu ba ANAPROFIKO – TL ho nia membru traballadór sira.

 

Iha ámbitu parseria ida ne’e, sei kria no implementa sistema pagamentu ne’ebé modernu no efisiente, ne’ebé sei fasilita tranzasaun finanseira, redus kustu operasional no reforsa inkluzaun finanseira ba membru sira.

 

Akordu ne’e mos prevé promosaun ba produtu no servisu BNCTL nian ba ANAPROFIKO – TL ba nia membru ho traballadór sira, hodi kontribui ba fortalesimentu sira nia atividade no integrasaun ba sistema finanseiru nasional.

 

Enkontru ne’ebé realiza iha sala reuniaun Mandarin ne’e hetan partisipasaun hosi Jerente Divizaun BNCTL no ekipa téknika ANAPROFIKO nian.