Díli, 19 Maiu 2025 – Banku Nasionál Komérsiu Timor-Leste (BNCTL), liu-hosi Divizaun Planu, Negósiu no Komersializasaun (PNK) ne’ebé reprezenta hosi ekipa Komersializasaun realiza sosializasaun ba produtu no servisu BNCTL ba traballadór Timor oan sira ne’ebé atu ba servisu iha nasaun Autralia ho totál kuaze ema nain 80 iha salaun Excelsior Resort, Pantai Kelapa.

Atividade ne’e ho objetivu atu fó hanoin ba traballadór sira atu hatene jere didiak sira nia osan, liuhosi produtu no servisu BNCTL nian hanesan: poupansa/depózita bankariás, asesu ba sira nia osan iha ne’ebé de’it utiliza servisu internet/mobile banking, transférensia mai conta bankária família nian liuhosi Sistema moneygram, posibilidade foti kréditu hodi halo negósiu wainhira servisu iha ema nia rai.

Iha fatin hanesan, ekipa BNCTL halo kedas atendimentu ba traballadór sira hanesan loke konta, rejista Internet/Mobile Banking, esklarese dúvida sira, inklui oinsa bele rejista hodi sai nu’udar Ajente Banku BNCTL nian wainhira fila hosi ema rai.