Díli, 3 Abril 2025 – Prezidente Komisaun Ezekutivu Banku Nasional Komérsiu Timor-Leste (BNCTL), S. A, Sr. Marcelo da Cruz Carvalho no Diretor Jerál TELEMOR, Sr. Vu Duc Nguyen (Mr. Ethan) asina Memorandu Entendimentu (MOU) hodi kolabora ba avansu servisu finanseiru dijitais iha Timor-Leste.

Parseria ne’e sei integra iha servisu bankárius BNCTL ho Sistema E-Wallet Mosan Telemor nian, ne’ebé sei permite kliente sira halo tranzasaun lalais no seguru liu-hosi konta BNCTL no Mosan, inklui liu-hosi QR Code.

Akordu ne’e mos sei apoiu Ajente Mosan hodi halo depózitu osan hosi konta Mosan mai BNCTL hodi fortalese asesu servisu finanseiru dijitais iha teritóriu tomak. Instituisaun rua ne’e mós sei esforsu hodi lansa mós servisu foun hanesan empréstimu, opsoens poupansa no remesas atu nune’e bele oferese oportunidade finanseira ba sidadaun Timor oan hotu.

Parseria ida ne’e reprezenta vizaun ida ne’ebé sei kompartilla transparénsia, apoiu no kresimentu iha tempu naruk, ne’ebé sei iha impaktu pozitivu no moris di’ak ba kliente Timor oan hotu.